SCIALPINISTICA Kleine Kaserer (A) del 15/01/2006

Seguendo la soffiata della tipa di Innsbruck di ieri, oggi ci siamo trovati alle 6 a Calliano col Mich e l'Alberto, quindi alle 6 e 20 a Trent col Paolo el Gino e el Luca: da no creder ! Ancoi sem con adirittura 2 guide alpine (el Paolo e el Gino)!!!! La zima, anca se gh'e' la gresta rocciosa g'ho da farla per forza! Alle 8 erem za', come ieri nella Schmirntal, quindi arivai enfont ala val, sem smontai a meterne i sci soto i pei: che fret! Ancoi -15 ala partenza! E alora, per scaldarse, basta nar! La salita al Kleine Kaserer oltre al gran sviluppo la g'ha en dislivel de 1650m.: m'ero quindi proposto de mantegnir en passo normale senza tirarme tant el col.... ma .... no ero da sol e ultim, no me piass... Sem partidi cosi' a razzo e en tel giro de n'ora erem za' enfont al vallon, alla fin dela forestale e tachevem a salir per ampi pendii. Ciapem cosi' el grupo de tedeschi e girem decisamente a sinistra vers el canalom. Dopo na mezzora comoda, davanti no i mola n'atimo e...me decido: i laso nar.... mi proseguo con pu' calma. Da mona al gieri de sera ho magna' sol do piati de minestra e ancor son senza colaziom: g'ho fam e me gira la testa, ma lamentarse no serve a nient: altro no gh'e' che da nar! E cosi' arrivo, ormai distaccato (co l'Alberto che ha rallenta' n'attimo el pass per spetarme) al prim salto roccioso che passem fora abbastanza rapidamente cavando i sci. Se entra cosi' en tel ripido canal che porta ai pei dela gresta. I lo da' a 40 gradi....mah, ert l'e' ert ma 40 i me par masa.... e cosi' dopo parecchie zete arivo enzima e... sorpresa: ariva su i skilift! L'e' la parte alta dei impianti de Hintertux! All'inizio saludo tuti col BergHeil, come se fusa ariva' enzima, ma con do guide alpine che me teign de ocio, anca se le roccette no l'e' el me pan, se no provo a far zima (gresta de roccia e nef) som propri en mona e cosi' me convinzo. E en vinti minuti col Gino e el Paolo che me tra' n'ocio sem su. La picca l'ho ben doprada, po' se sa.... coi scarponi de scialp su roccia e nef no me sento mai masa sicur! Beh, arivai enzima no gh'e' sta quasi el temp de la foto: gh'era n'aria che caveva e cosi' ne sem girai de bala. E la discesa en ten quart d'ora l'evem bela che fata (anca se no e' zerto sta' la roba pu' rilassante de sto mondo!). Na volta ariva' ai sci me sentivo za' a ca'! E cosi' ne sem molai zo direti per el canal (sto colp restando a destra delle roccette scavalcae en salita) a zercar polver. Qualche toc el gh'era ben, ma tra el vent tra i molti passaggi era resta' ben poc. Arrivai en te la val comunque en bel pendio da goderne l'avem ben trova'! Quindi forestale e via! Le macchine parcheggiae le era quasi tute italiane! Ne resteva en sospeso ancor sol da reintegrar i liquidi persi per la sfadigada: na bona birraccia e 'na ciopa col speck en quel de Sterzing...







Davanti al centro imponente, l'Olperer col ghiacciaio prensile, noi passiamo sotto a sinistra puntando alla testata di un canalino.
Gino, Luca e Paolo verso le roccette che portano al canalino da cui poi parte da cresta.
el canalim (qi en discesa).
subit for dal canal se mola zo i sci e l'e' ora de....
...la gresta!
Dai che ormai sem fora!
e en te n'atimo sem su!


Ste pagine l'e' stae cargade volte da visitatori dal 3 de agost 2005